«ՌԵԴ» ընկերությունը ներկայացնում է առաջին անգամ Հայաստանում` Արթուր Խաչենցի առաջին մենահամերգը, որը կկայանա 2024 թվականի հոկտեմբերի 18-ին Գարդեն Պարկ Ռեդիսսոն Բլուում ։

Արթուր Խաչենցը 2018թ.-ին Հայաստանի գրողների ու կոմպոզիտորների միությունների կողմից արժանացել է տարվա լավագույն երգի հեղինակի կոչմանը՝ իր հեղինակային անդրանիկ ստեղծագործությամբ՝ «Ոչինչ չի փոխվի» երգով: 2019թ.-ին մասնակցել է «Ազգային Երգիչ» երաժշտական հեռուստամրցույթին ու հասել եզրափակիչ փուլին: 2021թ.-ին ապրիլի 20-ին հիմնել է «Հայի Գէն» երաժշտական ստուդիան։ 2021թ.-ի օգոստոսին «45 օր պայքար» դոկումենտալ ֆիլմի հիմնական երաժշտության հեղինակն է, այդ իսկ պատճառով հրավիրվել է Ամերիկայի Միացյալ Նահանգներում ու մնացած քաղաքներում տեղի ունեցող ֆիլմի պրեմերայի ցուցադրություններին և անձամբ կատարել բացման արարողությունները: Նույն ընթացքում հանդիսացել է տարբեր ֆիլմերի երաժշտությունների հեղինակ, ինչպիսիք են «Կարմիր Սարերը», «Առավոտ Լուսոն», «Արցախը», «Չավարտվող Պատերազմը», «Մենախոսությունը» և այլն: 2023թ.-ին իր գրած հեղինակային «Եկ քինինք Արցախ» երգն արժանացել է տարվա երգ մրցանակին:

Մասնակցել է 2014թ. օգոստոսյան, 2016թ. ապրիլյան պատերազմներին, ինչպես նաև 2020թ. 44-օրյա պատերազմին։ 2014թ. հոկտեմբերի 23-ին արժանացել է «Հայոց բանակի գերազանցիկ» շքանշանին:

Դաշնամուր՝ Սերգեյ Կարապետյան

Ստեղնաշարային գործիքներ՝ Արթուր Արմենի

Հարվածային գործիքներ՝ Էրիկ Ղազարյան

Կիթառ՝ Վիլյամ Հալաջյան

Բաս կիթառ՝ Վահագն Ստեփանյան

Սաքսոֆոն՝ Մոս Բաբաջանյան

Դռները բացվում են՝ 17:00-ից

Համերգի սկիզբը՝ 19:00-ին

Համերգի ավարտը՝ 23։00-ին

Տոմսերի արժեքը՝ 10 000 դր

Համերգի օրը մուտքի մոտ՝ 14 000 դր