Մարտի 26-ին Կոմիտասի անվան կամերային երաժշտության տանը տեղի կունենա Հայաստանի պետական կամերային նվագախմբի համերգը:

Ծրագրում՝

• Ռենդալ Սվեյն - Սինֆոնիետա (Համաշխարհային պրեմիերա)

• Պ. Ի. Չայկովսկի - Սերենադ լարայինների համար Op.48 

• Դավիթ Հալաջյան - Երաժշտությունը ստվերում

Համերգը կղեկավարի հրավիրյալ դիրիժոր Ֆիլիպ Ամելունգը (Գերմանիա)։

Ֆիլիպ Ամելունգը գերմանացի դիրիժոր է, ով ակտիվորեն համագործակցում է Հայաստանի երաժշտախմբերի հետ։ 2022-2024 թվականներին նա ղեկավարել է մի շարք նշանակալի համերգներ Հայաստանում և Գերմանիայում՝ ներկայացնելով եվրոպական և հայկական դասական երաժշտությունը։ Նրա ղեկավարությամբ Հայաստանում իրականացվել են Բախի «Չարչարանքներ ըստ Հովհաննու» օրատորիայի կատարումը, Պուլենկի 125-ամյակին նվիրված գալա համերգը և այլ կարևոր նախաձեռնություններ։

Ֆիլիպ Ամելունգը ղեկավարել է Հայաստանի պետական կամերային նվագախմբի համերգները նաև Գերմանիայում: Վերջինը և հիշարժանը՝ Թյուբինգենում կայացած համերգն էր Հայաստանի պետական կամերային նվագախմբի շրջագայության շրջանակներում, որը նվիրված էր Շառլ Ազնավուրի 100-ամյակին։ 

Սկիզբը՝ 19։00։

Մինչև 6 տարեկան երեխաների մուտքն արգելվում է: