Նորայր Հարությունյանի «Մեսսա Բրեվիս» ստեղծագործության համաշխարհային պրեմիերան և Էդվարդ Միրզոյանի սիմֆոնիան լարայինների և գոսերի համար

Մասնակիցներ՝

Հայաստանի պետական կամերային նվագախումբ

Երևանի պետական կամերային երգչախումբ

(գեղարվեստական ղեկավար և խմբավար՝ Քրիստինա Ոսկանյան)

Դիրիժոր՝ Ջանլուկա Մարչանո (Իտալիա)

Ստեղծագործությունների մասին

Ստեղծագործությունը ծնվել է երեք կարևոր ներշնչանքից:

- Առաջինը՝ երախտագիտությունն է Հռոմի Կաթոլիկ եկեղեցուն՝ Գրիգոր Նարեկացուն Տիեզերական Վարդապետ հռչակելու առիթով: Սա մեծ իրադարձություն էր հայկական մշակույթի և քրիստոնեական հոգևոր ժառանգության համար, և այս ստեղծագործությունը հարգանքի տուրք է այդ իրադարձությանը:

- Երկրորդ ներշնչանքը հանրահայտ բրիտանացի կոմպոզիտոր Կարլ Ջենկինսի «Ստաբատ Մատեր» ստեղծագործությունն էր, որը նվիրված է Սուրբ Մարիամ Աստվածածնին: Այդ ստեղծագործության ազդեցությունը ոգեշնչեց կոմպոզիտորին՝ ստեղծելու մի աշխատանք, որը միավորում է երգչախումբն ու նվագախումբը:

- Երրորդը՝ երաժշտության միջոցով աղոթելու ցանկությունն էր, քանի որ երաժշտության լեզուն հասկանում են բոլորը, թեև ստեղծագործության համար ընտրվել է լատիներեն լեզուն, ուշադիր ունկնդիրը կարող է լսել հայկական հոգևոր երաժշտության ակնարկներ, մասնավորապես՝ Կոմիտասի Պատարագի «Բարեխոսությամբ Մոր Քո» կամ «Տեր Ողորմեան» հատվածների ազդեցությունը։

Նորայր Հարությունյանի «Մեսսա Բրեվիս»-ը մի աշխատանք է, որը միաժամանակ հարգանքի տուրք է քրիստոնեական ավանդույթներին, ներշնչված ստեղծագործական մտքի արդյունք և երաժշտական աղոթք, որը միավորում է հոգևոր աշխարհները:

Կոմպոզիտոր Էդվարդ Միրզոյանի լարայինների և գոսերի համար գրված սիմֆոնիան առաջին անգամ հնչել է 1962 թվականին՝ Կոմպոզիտորների երրորդ համամիութենական համագումարում։ 

Նա ստեղծել է մի գործ, որտեղ տիրում է զգացմունքների հավասարակշռություն և ներդաշնակություն։

Սկիզբը՝ 19։00։

Մինչև 6 տարեկան երեխաների մուտքն արգելվում է: